ဒီအရပ်နဲ့ ဒီဇာတ်

ဘုရားပေးတဲ့ ဆုရ၏။
သို့ပေမယ့် နှစ်သိမ့်ဆုကြီး ဖြစ်နေလေရဲ့ . . .
ပြသနာက ဒီမှာတင် စပါတယ်။
တစ်ဝက် ပျော်ပြီး
တစ်ဝက်ကတော့ ကွက်လပ် . . . ။

ချ လွင် ချ လွင် ခွက် . . .
ပုဂံ ကခြေသည်တွေ နေတဲ့အရပ်။
ပတ္တလားသံငွေ့ငွေ့မှာမှ အိပ်မွေ့ကျ . . .
ဘီလူးနက္ခတ်မှာ ကရတဲ့ဇာတ်မို့
သွေးထွက်သံယိုများသလေ့။

သူလည်းမကောင်း။
ကျုပ်လည်းမကောင်း။
တစ်ယောက်နဲ့တစ်ယောက် လွှဲချ
ဆုမရတာပဲ ကောင်းသလား . . .
သေသေချာချာတွေးမှ ယုတ္တိမြုံနေတဲ့ရပ်ကွက်ဖြစ်မှန်းသိရဲ့။


BS
20 April 2011
Yangon

စာလွှာပါးလိုက်တယ် ချစ်သူ။

ချစ်သူရေ . . .

ငုတွေ ပွင့်နေပြီ . . .
သူလိုလို ကိုယ်လိုလိုလုပ်တတ်တဲ့ ငုနဲ့ ပိတောက်ကို ကိုယ်အခုထိ လွဲလို့ကောင်းနေတုန်းပဲ။
ကိုယ့်မွေးနေ့မရောက်ခင် ပွင့်သွားလိုက်ကြတဲ့ ပိတောက်တွေဟာ . . .
တကယ်တော့လည်း ဘာမှမဆိုင်ပါဘူး။

ကြားမိသေးလား . . . တနေ့က ကိုယ်ဟာမျောက်တစ်ကောင် ဖြစ်သွားလို့တဲ့။
သေတ္တာထဲက ခေါင်းထွက်နေတဲ့ မျောက်တစ်ကောင်ပေါ့။
ပွဲတော်ကြီးမှာ ကလယ်ကလယ်ဖြစ်လို့ . . .
ကိုယ့်ဦးနှောက်ကို ဇွန်းနဲ့ တစ်ဇွန်းချင်း ခပ်စားနေကြလေရဲ့။

ခက်တော့ ခက်သား . . .
မနက်ဖြန်အတွက် မွှေးရမယ့်မီးက ကိုယ့်ဘ၀နဲ့ ထင်းဆိုက်မှ လောင်မယ်တဲ့လေ။ ယပ်ခပ်သူတွေ အေးချမ်းစေ။

အရူးတစ်ယောက်မို့လို့ အမဲသားမစားဘူး . . . ဘာဖြစ်လဲ။
တကယ် ရုပ်ဆိုးလို့ စုန်းယိုးကြတာ . . . နေပလေ့စေ။
ချော်လဲတယ်ပဲပြောပြော . . . ထိုင်ချလိုက်တယ်ပဲဆိုဆို
ကိုယ်ကတော့ ကိုယ်ဖြစ်နေဦးမယ် ချစ်သူ။

ငိုချင်တဲ့အချိန်မှာ ငိုနိုင်တဲ့သူတွေကို ကိုယ်မနာလိုဘူး . . .
တချို့ကလည်းပြောပြကြပါတယ်
အလယ်အလတ်လမ်းမှာတော့ မတ်မတ်ကြီး အစွန်းထွက်မနေနဲ့ . . . တဲ့လေ။
ဒီလိုတော့လည်း ဟုတ်သား။
အဲဒီ ယုံကြည်ချက်ဆိုတဲ့ကောင်တွေကို ခြေစုန်ကန်ပစ်ခဲ့။
တစ်ဂိုး နှစ်ဂိုး . . .
ကဲ . . . ဘယ်လိုမနက်ခင်းမျိုးကိုမှ ဗျို့ဟစ်ပြီး မနှိုးတော့ဘူး။

ချစ်သူရယ်
တကယ်တမ်းကျတော့လည်း ဘ၀ဆိုတာက အဖြူနဲ့အမည်း မသဲကွဲတဲ့ လမ်းကြီးရယ်ပါ။
နေရထိုင်ရတာ မွဲတဲတဲ။ စားရသောက်ရတာလည်း သဲတကျိကျိနဲ့။
တစ်ခါတစ်လေများ အသက်ဆိုတဲ့ဟာကို ဖက်ကြီးနဲ့ ထုတ်ထားရသေးတယ်။
ကိုယ် တ ကယ် မ ပျော် ဘူး ချစ် သူ . . .

ရင်ဘတ်ထဲက ဒဏ်ရာတွေ မကျက်သေးတဲ့အချိန်မို့ ကိုယ့်စကားတွေက မီးခိုးအရမ်းအူတယ်။
စိတ်ကူးတွေက ညှော်စော်နံတယ်။
ခြေလှမ်းတိုင်းမှာ လူပီသခြင်းတွေ တစ်ဖဲ့ပြီးတစ်ဖဲ့ ပဲ့ကြွေ။
ယဉ်ကျေးမှုတွေနဲ့ မူးမူးရူးရူး အော်ဆဲ . . .
ဒီရင်ထဲကို သဲနဲ့သာ ကျုံးပက်လိုက်ပါတော့ ချစ်သူ။

အဖေကတော့ ကိုယ့်ကို ပြောတယ် . . . နတ်အိုးကွဲကြီး . . . တဲ့။
နတ်စင်ပေါ်ထားမရ၊ သေးအိုးလည်းလုပ်မရနဲ့ အသုံးမကျတဲ့ နတ်အိုးကွဲကြီးတဲ့။

ထားပါတော့

တစ်ခါတစ်လေတော့လည်း ကိုယ့်သူငယ်ချင်းတစ်ယောက်ရဲ့ ခုတင်ခေါင်းရင်းက ဆေးခြောက်လိပ်လေးကို လွမ်းတယ် . . .
ဘုရားမှာ အခိုးခံခဲ့ရတဲ့ ကိုယ့်ဖိနပ်အပြာလေးကို လွမ်းတယ် . . .
ဒါပေမယ့်လည်း ချစ်သူရယ် . . .
ကိုယ်ဆိုတဲ့သူကလည်း ပေးပြီးသားဆိုရင် နှလုံးသားကိုတောင်မှ ပြန်မလိုချင်တဲ့သူမို့ . . . လွမ်းတယ်။ အများကြီး လွမ်းတယ်။

ဒါပါပဲချစ်သူ။

ဒီနေ့ဆိုတဲ့ဟာတွေက ကောင်းကိုမကောင်းဘူး။
ကံဆိုတဲ့ငတ ကိုယ်နဲ့ သဟဇာတကို မဖြစ်ဘူးကွယ်။
ဒီမျက်နှာကို ဘယ်ခြုံမှာ သွားဖွက်ထားရပါ့မလဲ။
ဒါပါပဲချစ်သူ။


BS

7th April 2011
Yangon