မအေးသော ချမ်းတဲ့နေ့

လင်းတယ်လို့ ပြောကြတဲ့ လမ်းသွယ်လေး
တစ်လှမ်းပြီးတစ်လှမ်း လှမ်းခဲ့ . . .
အေးစက်စက်အိပ်မက်တွေနဲ့။

အမှန်တွေအကြောင်းပြောတတ်တဲ့
တချို့လေပြည်တွေက နံတယ် . . .
နင့်ဥယျာဉ်လေးထဲက သစ်သီးတွေလည်း မစိမ်းတော့ဘူးလေ။

ဒီနေ့တစ်ညတော့
ရေညှိတွေနဲ့စိမ်းနေတဲ့ အုတ်ကြမ်းပြင်မှာပဲ
တရေးတမော အိပ်လိုက်တော့မယ်။

ရွက်ခြောက်အိုတွေ
လမ်းမလျှောက်ကြစေနဲ့ . . .
ရင်ကွဲသံတွေ ဆူညံလွန်းလို့ပါ။

မြစ်ထဲချော်ကျတဲ့
အရူးမတစ်ယောက်လို
သမာဓိ ဆိုတာတွေက ကမူးရှူးထိုး . . . ။

ကမ္ဘာကြီးရဲ့ ၂၃ မိုင်ခွဲအကွာမှာ ဆွဲခဲ့တဲ့
ကယ်တင်ရေးစီမံကိန်းတွေပေါ့ . . .
လက်တွေ့ကျကျ လွဲတယ်။

ငါဖြေခဲ့တယ်လေ
နဂါးဆိုပေမယ့်လည်း ပြုံးပြချင်တာပေါ့
အစွယ်တစ်ချောင်းကျိုးနေတာကိုပဲ မသိစေချင်တာ . . . ။

လေတိုက်တဲ့နေ့တွေကို
ကဗျာပုံသွင်းရင်း
ငါ့မနက်ခင်းတွေ တစ်ယောက်တည်း ချမ်းလိုက်ရတာဟာ . . . ။


BS
November 24, 2009
@ Wat U_Mong